YIERO MATIN MA MATHARE OBAYO GOR SEMELANG’O

Migaono mochung’ ne weche mag yiero e Piny Kenya IEBC otamo jatelo ma chon mane ochung’ne pesa mar ojende Migosi Gor semelang’o chung e yiero matin mar od bura ma mathare.

Migaono kotelne kod Nyadendi Mahiri- Zaja nende  owachoni Gor ne okoweyo tich chon kaka chik dwaro. Chik wacho ni mondo ichung’ e yiero moro amora e Kenya, onego bed ni iweyo tich mar Sirikal dweche 6 kapok yierono ochopo.

Migosi Gor semelang’o ne owacho ni odhi e doho maduong’ mondo okwed wachno kendo doho mondo onyis IEBC mondo oyiene ochung’

MINEME E LUO JOWA

Wechegi tek! oyudo wapingore kod osiepna moro ni mineme ok nyal yud kaluo ka... asewuotho e yore mag tich kendo aneno mathoth to pok aneno gimachalo kama!
E county marwa ma Asego Kanyada e aluora mag Ndhiwa kod Magunga weche ok ber. Mineme chamo nyithindo kod jomadongo machal.
E higa mar 2014/2015 baget mar thieth e county mar Asego Kanyada ne odonjo ,a ok bare ne Million 750, en mana penjo jokanyanam, pesani timo ang'o ka kata mineme ok onyal thiedho?

En wach malit ahinya ka gimatin machalo mineme ok nyal thiedhi to koko oromowa kaka gidwaro gero ute thieth madongo dongo e gwengewa.

Ne jok ma ocuhng'ne weche mag thieth e county mar asego Kanyada ne uru kaka ukonyo wachni. japuonj ok nyal puonjo to mineme bende goyo kwano e tie nyathi.

GIK MANYIEN PACHO KA

Od Chai mar Java Kisumo

Jokanyanam, gik mathoth osemedore Kisumo pachoka nyaka ne wawuo mogik. Sani kiwuoth e boma to olokore kabisa. Chuo lore kisumi ka, ji ogero ute madongo dongo mag ohala kod mag dak kendo boma iye ochacho kabisa. kuonde manyien e town chalo kaka West end mall kuma od madho chai maduong mar Java nitie... en kuma ka ok ing'iyo godo to kik idhiye inyalo wuok gi rach jakisumo wadwa.
Mbalariany mar Narobi bade ma kisumo bende nyagore gi odgi moro manitie Oginga Odinga street e tie Al Imran Plaza. en ot ma ka orumo to iloro sikul ma ni e boma ma Narobi ji te biro somo Kisumo ka.

Ot ma Mbalariany mar Narobi gero e boma ma Kisumo

E gik manyien ma ni e Boma ma Kisumo en Redio Manyien mokwako dho nam lolwe ka lum ma oole mbolea. en URBAN redio odamo 102.5, En redio ma omayo ute lendo Nyinge madongodongo kaka jowaya  Dave Odira (Ngiri 40) kod Elisha Gogo manetiyo e duond Jokanyanam, pacha moro paro ni kuma ne giwioke gige tich ne onge malong'o kata gine mane gitamore tich. tijgi leeeeer kuma gintiereni kendo gimor. Redioni ni kod Nyadendi Grace Makosewe ma Nyakabuoch manowuok e boma ma Narobi ka biro twak pacho ka, otiyo kod Janeko moro marwako law miluongo ni Paulo Mung'ala Mbuvi ma thoth maru maneno XYZ show ong'eyo kaka SONKO. gin kod nyadendi machielo ma Ruoth nochweyo gi pencil kod raba, kumoketho to orucho ogoro kendo, iluonge ni Brenda Ntwatwa ma nyar Museveni.

Nyakabuoch kod Nya M7 e studio ka gitwak kod oganda jokanyanam

 Jogi duto tiyo e seche ma piny imore ka gikelonu neko kod thum motimo koko. gin gi jawaya mang'ula makotudo waya to gita ywak gi kisungu iluongo ni UJO C kata Bermuda kaka jothum ma oloso luonge.
URBAN radio inyalo winjo e mbui ka idonjo ehttp://www.urbanradio.co.ke/index.php/9-uncategorised/24-streaming-live. Nocha eka gidonjo e yamo to oganda winjogi ma nyocha owalgi e budho maduong' ma iluongo ni Techno Vybes Award. ka in Kod sime inyalo oro barua machwok VYBEZ BRS4 to 21997 mondo igo ombulu ne #URBANRIDE SHOW.

Janeko Mbuvi kod Jawaya ma ondiek UJO C

Seche moko mag odiechieng bende inyalo winjogi dipo ka iwuok kod vocha moro maratipo ma oromi ngi'nyo gweno e ute chiemo ma dongo dongo e boma ka. ok datieki ka okawacho ni ginyien e yamo to gibembo nyinge madongo dongo mane ochako chon. Nasewacho ni chuo lore, Kama ineno ka ominde wuod Wambora tiye okikele tugo.

awinjo kasejony, gikmanyien ma asewacho ka tetete owuok oko mar kisumo. kunyisa gimoro manyien ma jakisumo moro ma rwadh pacho oloso mondo okonywa? okawacho marach, adieri ema ber... mag ji to konyowa maber, watemeuru wan bende walose gimoro ma wanyalo konyo godo jowa.

E seche ma wawuoyeni bende kik wiyi wil ni siasa mar 2017 osechako, wuod kisumo mang'ongo, wuoyi moromo onyiedhore e pap. Abdul Dubai oduogo kendo wang'ni odwaro bedo Gavana mar county marwa ma kisumo.

Aweyi kod manok kamano nyaka seche mabiro nyime ka... weche pod ng'eny